Излезноста до 18:30 часот е 48,46 отсто, соопшти претседателот на Државната изборна комисија (ДИК), Александар Даштевски на првата прес-конференција по затворање на гласачките места за првиот круг на денешните претседателски избори.
„До Државната изборна комисија до 19 часот се пристигнати податоци од 3.174 избирачки места со запишани 1,653,023 гласачи од кои гласале 801.074 лица или 48,46 отсто. Најголема излезност е забележана во Новаци од 71,07 отсто, најмала во Центар Жупа од 16,90 отсто. Во текот на денот, гласањето се одвиваше мирно и без поголеми инциденти на гласачките места“, изјави првиот човек на ДИК.
Тој информира и за 134 уважени приговори и на гласачите им било овозможено да го остварат своето избирачко право.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.