Руското обвинителство покрена кривична постапка против жена од Москва која истури зелена боја во гласачка кутија, со цел да го попречи изборниот процес во кој Русија избира претседател.
Русите денеска почнаа со гласање низ 11 временски зони ширум земјата на избори кои ќе завршат во недела.
Уставот предвидува дека победникот ќе добие мандат на шест години, а се очекува тоа да биде главниот фаворит и актуелен претседател, Владимир Путин, пренесува „Ројтерс“.
Снимка од надзорната камера на избирачкото место, која ја објави државната агенција РИА Новости, покажува млада жена која става гласачко ливче во кутија која потоа ја наполни со зелена боја.
Another similar case occurred in Moscow
A girl threw her ballot paper into the ballot box, then poured “brilliant green” into the ballot box and tried to take a photo of the result. pic.twitter.com/LPW8xDYi45
— NEXTA (@nexta_tv) March 15, 2024
Полициски службеници веднаш ја приведоа жената која подоцна е обвинета за опструкција на гласачкиот процес, дело за кое во Русија е предвидена максимална затворска казна до пет години. Два слични инцидента, според РИА Новости, се случиле и на избирачки места во регионот на Вороњеж.