Во пукање во близина на наплатната рампа во Прешево, тешко ранета е млада жена, а мажот кој пукал во неа се самоубил. Таа потоа од здравствениот дом во Врање била пренесена во Ниш и била оперирана во Ургентниот центар.
Како што објави РТС, од Вишото јавно обвинителство Врање, мажот е државјанин на Македонија, а жената е од Србија. Тие биле заедно во автомобил, а по кратка расправија жената излегла и почнала да бега. Мажот испукал неколку куршуми кон неа, а потоа се застрелал самиот.
Мажот имал 52 години и е од Тетово. Девојката има 30 години и има две рани од куршуми.
Девојката се здобила со повреди во пределот на вратот и градниот кош. На пациентката итно и била укажана хируршка интервенција во операционата сала на Ургентниот центар, по што е хоспитализирана на Клиниката за интензивна нега на Универзитетскиот медицински центар Ниш.