Беше во игра за министерското столче во здравство, а застана на чело на Инфективната клиника. Фадил Цана е еден од четворицата доктори кои добија 4-годишен мадат за директори на последниот конкурс во здравство. Во ек на сезона на грип, Цана ја презема клиниката со која досега управуваше Милена Стевановиќ.
Освен Фадил Цана, останатите пријавени на конкурстот се актуелни директори.
Нови имиња нема. Со Гинекологија и понатаму ќе управуваат д-р Викторија Јовановска како медицински директор и Јетон Шаќири како организациски.
И на Клиниката за психијатрија нема промени, мандатот го доби актуелниот медицински директор, д-р Стојан Бајрактаров.
„Поради истекување на мандат во време на предизборниот период спореведни се конкурси во 3 јавно здравствени установи за избор на 4 директорски места“, потврдија од Министерството, од каде потенцираат дека сите именувани директори на јавно-здравствените установи се стручни во својата област и имаат долгогодишно искуство.