Новата влада стапува на должност. Ковачевски му ја предаде функцијата на Џафери.
Таканаречената Пржинска влада треба да организира и да гарантира фер и демократски избори, а земјава ќе ја води до крајот на јуни односно до изборот на нов владин состав.
Единаесеттите парламентарни избори во земјава ќе се одржат на 8 мај, а седмите претседателски избори на 24 април.
Евроамбасадорот Дејвид Гир преку платформата Х повика кон поблиска соработка со техничкиот премиерот и Владата во време важно за односите меѓу Северна Македонија и ЕУ.
Преодна Влада вчера беше избрана со 65 гласа „за“ и три „против“. Пратениците од ВМРО-ДПМНЕ беа во салата, но се воздржаа од гласање, додека на седницата воопшто не присуствуваа пратениците од Европскиот сојуз за промени.