Снегот создаде потешкотии за возачите на патишта низ земјава , но ако продолжи да паѓа во комбинација со ниски температури и ветер, како што прогнозираат синоптичарите, се очекува да создаде проблеми, особено во планинските села. Граѓаните кои живеат во повисоките места, во вакви ситуации, треба да поседуваат залихи од храна и лекови, додека оние кои патуваат да имаат доволно гориво во возилата, апелираат од Центарот за управување со кризи.
На неколку патни правци од утрово се водедени забрани за автобуси и тешки товарни возила, поради врнежи од снег и снежни навеви. За другите возила задолжителна е зимска опрема.
Според прогнозата на УХМР преку ноќта врнежите од снег кои денес беа поинтензивни во западните делови, ќе се повлекуваат кон југ. Температурите значително ќе опаднат, а ќе има и појава на голомразица.
Данијела Билбилоска