Во Чешка денеска е Ден на жалост, откако 24-годишен студент во четвртокот во пукање на Карловиот универзитет, уби 14 и рани 25 лица, а потоа си го одзеде животот.
Знамињата низ цела Чешка се спуштени на половина копје, а напладне црковните ѕвона биеја и имаше едноминутно молчење низ целата земја за жртвите.
Во Прага, како и во другите чешки градови, мерките за полициски надзор се засилени, а полицајци патролираат по улиците пред божиќните празници, ги надгледуваат пазарите, трговските центри и другите места каде што се собираат голем број луѓе. Културните настани за време на божиќниот викенд се откажани, а сите јавни настани ќе започнуваат со едноминутно молчење.
Пред Универзитетот не престануваат да доаѓаат студентите да запалат свеќа за убиените студенти. Жалат за загубата на младите животи, и им оддаваат почит.