Американскиот претседател Џо Бајден и израелскиот премиер Бенјамин Нетањаху синоќа имале телефонски разговор.
Белата куќа соопшти дека двајцата лидери „разговарале за можноста за тактички паузи“. Според информациите кои ги објави Аксиос предлогот за кој се разговарало меѓу САД, Израел и Катар предвидува Хамас да ослободи 10-15 заложници.
Тие, исто така, ќе ја искористат тридневната пауза за да го потврдат идентитетот на сите заложници и да достават список со имињата на луѓето што ги чуваат.
Но Нетанјаху истакнал дека не верува во намерите на Хамас и дека не верува дека тие се подготвени да се согласат на договор за заложниците. Портпаролот на израелските воени сили Даниел Хагари пак доцна синоќа порача дека нема да има прекин на огнот.
Белата куќа соопшти дека претседателот Џо Бајден не поддржува израелска окупација на Појасот Газа по завршувањето на војната, нагласувајќи го ставот на администрацијата еден ден откако премиерот Бенјамин Нетанјаху рече дека Израел ќе има улога во појасот за „неопределен период“.
Сметаме дека треба да има здрав сет на разговори за тоа како ќе изгледа Газа по конфликтот и како ќе изгледа владеењето.
Она за што апсолутно се согласуваме со нашите израелски колеги е како тоа не може да изгледа, а тоа е дека не треба да изгледа како што изгледаше до сега, порача портпаролот Џон Кирби.