Израелскиот премиер Бенјамин Нетанјаху во телевизиско обраќање до нацијата изјави дека Газа е опколена. Според него, израелските сили делуваат во срцето на градот, досега уништиле бројни подземни тунели на Хамас и го продлабочуваат притисокот врз палестинската милитантна група. Tој додаде дека ќе нема примирје или испорака на гориво за Појасот, се додека не бидат ослободени заложниците, но и дека Хелзболах полека се вклучува во војната за што ја предупреди проиранската организација да не ја прави грешката на Хамас.
Дека израелските единици делуваат во срцето на Газа потврди и министерот за одбрана, Јоан Галант кој го опиша градот како најголема терористичка база што е направена во човештвото. И тој ја отфрли можноста за хуманитарен прекин на огнот без ослободување на 240-те заложници кои ги држи Хамас. Галант истакна дека лидерот на палестинската милитантна група, Јахја Синвар е опколен во својот бункер и е отсечен во комуникацијата со неговите соработници.
Денеска е ден на жалост во Израел. Со палење на свеќи, положување на цвеќе за загинатите цивили и војници и низа меморијални настани во Тел Авив и во Ерусалим, Израелците денеска одбележуваат еден месец од крвавиот напад на Хамас во кој загинаа 1.400 луѓе, а над 240 беа земени како заложници во Газа. Според податоци на Обединетите нации (ОН), пак, воздушните напади на израелските сили и, особено, копнената офанзива се раселени околу еден и пол луѓе низ Газа, 10.000 се убиени од кои 40 отсто се деца.
Сашко Димовски