Новинар на „Ројтерс“ е убиен, а шест други луѓе се ранети во израелско гранатирање на јужен Либан, изјавуваат сведоци. Проектилот паднал меѓу група на меѓународни новинари кои ги следат и известуваат на воените дејствија на границата, објави Асошиејтед Прес.
Дел од повредени се итно пренесени во болница. До гранатирањето дојде за време на размена на оган долж либанско-израелската граница, меѓу израелските сили и припадници на либанската милитантна група Хезболах.
„Ројтерс“ јави дека во нападот е убиен нивниот новинар Исам Абдала. Ал Џазира објави дека се ранети двајца нејзини вработени – Ели Бракја и репортерката Кармен Јоукхадар.
„Длабоко сме ожалостени со веста за смртта на нашиот новинар и снимател, Исам Абдала“, се вели во соопштението на „Ројтерс“.
Новинарите на „Ројтерс“, Таер ал-Судани Махер Назех, исто така, се здобиле со повреди и побарале медицинска помош.