Бројката на загинати во земјотресот во Мароко надмина 2.500 луѓе, а преживеаните трета ноќ по ред спијат на улиците. Уништени се мароканските градови уништени се бројни згради и домови.
По најсмртоносниот земјотрес во последните 60 години, Мароко прифати помош од Шпанија, Велика Британија, Катар и Обединетите Арапски Емирати. Сепак, Мароканците не побараа помош од Франција и покрај тоа што министрите во Париз изјавија дека се „подготвени да му помогнат на Мароко“.
Француската министерка за надворешни работи Катрин Колона изјави дека Мароко не одбил никаква помош или предлог и дека тоа не треба така да се интерпретира. Таа најави дека Франција ќе вети и пет милиони евра за невладините организации кои работат во Мароко.
„Политико“ пишува дека причина за ваквиот однос на Мароканците можеби е тоа што Франција пред две години го намали бројот на визи за жителите на оваа земја.
Француската влада во тоа време тврдеше дека Мароко, Алжир и Тунис не соработуваат во напорите за спречување на илегалната имиграција.
Покрај ова Мароко и Франција имаат ушт еден нерешен спор. Мароко сака Франција да и го признае нејзиниот суверенитет над Западна Сахара. Исто така Мароканците им замеруваат на Французите за подобрување на односите со Алжир, главниот ривал на Мароко и уште една поранешна колонија на Париз, пишува „Политико“.
Бројката на загинати од земјотресот во Мароко надмина 2.500, преживеаните трета ноќ спијат на улици