Вселенското летало „ Кру Драгон“ (Crew Dragon) на компанијата на Илон Маск „Спејс ИКС (SpaceX) денеска полета кон Меѓународната вселенска станица (ISS) од вселенскиот центар Кенеди, во Флорида, соопшти НАСА.
Членови на мисијата „Кру-7“ се астронаутот на НАСА, Џасмин Могбели, астронаутот на Европската вселенска агенција, Данецот Андреас Могенсен, космонаутот на Роскосмос, Константин Борисов, и астронаутот на Јапонската вселенска агенција, Сатоши Фурукава, пренесува Тасс.
Екипажот на „Кру-7“ ќе учествува во повеќе од 200 научни експерименти кои ќе помогнат во предвидената изградба на вселенската станица „Лунарна порта“ која ќе орбитира околу Месечината, и преку која ќе се лансираат редовни мисии на површината на земјиниот сателит, како и технологии кои ќе бидат користени при евентуалните идни мисии на Марс.
Претходно тестиравме 3Д принтери во вселената користејќи полимери, но сега за прв пат ќе тестираме метален 3Д принтер, кој ќе ни дозволи да принтаме делови од метал, што може да биде огромна придобивка, во смисла дека ќе ни дозволи да принтаме делови, резервни делови, вселенски делови, алати и сѐ друго што ни е потребно, без да има потреба тие да бидат транспортирани од земјата, изјави данскиот стронаут Моргенсен пред полетувањето.