Градежната експанзија во Дојран мора да се контролира, смета градоначалникот Ангов. Градот треба да се развива според можностите за задоволување на потребите на изградените објекти. Дојран во моментов се соочува со потреба за изградба на нова пречиситителна станица и обнова на колекторскиот систем, бидејќи градот се изгради, а за време на летната сезона капацитетите се искористени до максимум.
Градоначалникот Анго Ангов вели дека не само канализација и системи за прочистување на отпадните води, на Дојран му се потребни и допплнителни количини вода.
„Ни треба дополнителна количина на вода, па Општина Дојран започна со изградвба на нова бушотина, се очекува нејзино пуштање во употреба и надминување на овој горлив проблем“, вели Ангов.
Покрај зголемениот број на домашни туристи, последниве години Дојран е познат и како дестинација за посета и преноќување од странските туристи кои застануваат тука пред да продолжат или на враќање од Грција.
Сузана Мицева