Основците и средношколците од следната учебна година ќе имаат пролетен распуст соопшти Министерството за образование и наука.
Одлуката е донесена на Влада и со неа се предвидува учебната година да почнува како и до сега од 1ви септември но за сметка на пролетниот распуст, кој е предвиден во периодот од 29 април до 5 мај, ќе трае до 17ти јуни.
Првото полугодие ќе заврши на 29ти декември, а второто почнува на 22 јануари.
Според новите измени летниот одмот почнува на 18ти јуни, а ќе заврши на 31ви август, соопштуваат од МОН.