Три села и хотел во планински дел на грчкиот остров Родос и две села во Мегара, во западниот дел на регионот на Атина, се евакуираат поради пожарите што сè уште не се ставени под контрола.
Министерот за цивилна заштита и климатски кризи на Грција Василис Кикиљас упати апел за голема внимателност и избегнување на секаква активност што би можела да предизвика пожар.
Грчкиот премиер Кирјакос Мицотакис претпладнево беше во Националниот координативен центар за операции и управување со кризи со цел да се информира за пожарите во земјата.