Најмалку 11 лица загинаа, а неколку се повредени во пукотница во општината Чолома, во северниот дел на Хондурас.
Властите прелиминарно известија во неделата дека вооружени лица упаднале во билијард бар и ги застрелале гостите од близина, по што побегнале.
Десет мажи и една жена се убиени во нападот.
Портпаролот на националната полиција Едгардо Барахона го потврди нападот, без притоа да изнесува детали за убиството.
Претседателот на Хондурас Ксиомара Кастро нареди воведување полициски час во следните 15 дена во текот на ноќта и понуди награда од 32.000 американски долари за оние кои ќе помогнат во фаќањето на сторителите.