Обилните дождови предизвикаа проблеми и во Солун, во реонот на Муданија, на полуостровот Халкидики. Дождот предизвикал прекин во снабдувањето со електрична енергија во регионот Муданија.
Противпожарната служба примила повеќе од 300 итни повици низ северна Грција, вклучително и Солун и Халкидики, за испумпување на вода, отстранување на дрвја и за транспорт на луѓе на безбедно. Поплавени се и неколку патишта во регионот, поради што е блокиран сообраќајот. Во исто време, градоначалникот на Касторија побара прогласување вонредна состојба..
Национална метеоролошка служба предупреди дека се очекува дождот и невреме со грмежи и можна појава на град во повеќето области на Грција, вклучително и островите.