Пречките за набавка на лекот Трикафта неопходен за болните од цистична фриброза се во институционалните лавиринти, бидејќи одамна поминаа петнаесетте дена во кои работната група составена од членови од Министерството за финансии, Министерството за здравство и Фондот се уште нема направено финансискиот план и план за реализација, велат од Асоцијацијата на цистична фиброза.
Пред новинарите, Елмир Селфулаи, родител на дете со цистична фиброза, рече дека дека членот од нивната асоцијација ниту еднаш не бил повикан на седница на работната група.
Неизвесноста за околу 120 пациенти, кои можат да го примат лекот трикафта, продолжува.
Александар Стамболиски рече дека најмалку по 100 евра е само витаминската терапија за еден месец. „Дванаесетте пациенти кои веќе ја примаат Трикафра се препородени“, вели Стамболиски.