Поради еден потпис не може да се реализира една од најголемите германски инвестиции во земјава.
Станува збор за ветерна електрана која треба да ја гради германската компанија ВПД во регионот Куманово – Крива Паланка.
Инвестицијата беше најавена уште во 2021-та година кога премиер беше Зоран Заев.
Од кого недостасува потпис на документот, заменик амбасадорот на Германија не сакаше да открие.
„Проектот политички е одлучен но се уште чекаме на крајниот потпис доста сме оптимисти дека ќе го добиеме потписот, но во основа тоа ќе биде најголемата инвестиција некогаш овде спроведена од наша страна. Ве молам за разбирање што не смеам тоа овде јавно да го кажам, но ние сме секојдневно во преговори и недостасуваат последните детали и во секој случај сме големи оптимисти“ – вели германскиот заменик – амбасадор, Ото Граф.