Се прават законски измени на штета на работниците. Со нивната експлоатација преку работна недела од 72 часа, ќе страдаат и тие и нивните семејства, тврди опозицијата и бара да се почитува одлуката на Уставниот суд за 40-часовна работна недела. Власта образложува дека секој изработен час над 40 неделно, ќе се плаќа како прекувремена работа, а работникот ќе има најмалку 12 слободни часа во едно деноноќие. Потсетува какви биле работничките права пред десетина години.
Ова е вториот и последен ден од расправата за овој закон. Наредната недела, по два дена ќе добијат уште 4 закони: за урбанистичко планирање, за градење, за експропријација и – за утврдување јавен интерес и номинирање стратешки партнер при изградбата на коридорите 8 и 10д – сите по скратена постапка и со додадено европско знаменце.
Соња Николовска