Секој треба да постапува според својата совест и според својата одговорност, вели Слаѓана Тасева од „Транспаренси Интернешнл“ во вечерашната дебата во „Топ тема“ на Телма ТВ, во врска со предложените измени на девет законски решенија што се поврзани со автопатите од коридорите 8 и 10Д, чија изградба е доверена на американско-турскиот конзорциум „Бехтел&Енка“.
„Јас се чудам на тоа дека може некој во Собрание, кој е граѓанин на оваа држава и гласан од граѓаните на оваа држава, така да гласа, за еден ваков закон или за еден ваков договор. Навистина треба да ги повикаме и нив на одговорност, и нивниот интегритет, етика и одговорност кон гласачите“, е одговорот на Тасева на прашањето за евентуалното гласање на „невидено“ од пратениците за предложените законски измени.