320 лица и сите од нив со различни судбини. Вкупно толку луѓе во Македонија се хемофиличари, велат податоците на Центарот за хемофилија. За нив малку се зборува, па дури и самите молчат. 17 април или светскиот ден на оваа болест е една од ретките прилики кога некој засегнат се охрабрува да проговори за маките со кои се соочуваат овие луѓе. Хемофилијата е сериозно, наследно нарушување на коагулацијата каде што крвта на пациентот не коагулира соодветно, доведувајќи до тешки случаи на неконтролирано крварење, спонтано или пак после лесна повреда. Токму заради ова нивната борба трае секој ден, а општеството недоволно помага.
Нема доволен буџет за терапијата на луѓето-хемофиличари. Потребен е поголем буџет, децата растат, а со тоа и потребите и мора да има доволни количини на фактор за нив, алармираат од Здружението. Во изминатиот период количините се крпеле од донации. И не само со терапијата, туку хемофиличарите се соочуваат со бројни други предизвици.
Животот на хемофиличарите е пропратен со бројни крвавења кои настануваат спонтано и тоа најчесто во зглобовите и мускулите. Бројот на крвавења кај лицата со тешка форма на хемофилија е многу голем и достигнува и до педесетина крвавења годишно. Вечерва повеќе објекти во целата држава ќе бидat осветлени во црвена боја за да се симболизира крвта. За хемофиличарите убав гест, но далеку од решение на нивните проблеми.
Петар Догов