Дванаесет странски државјанки од Русија, Украина, Србија и Албанија биле откриени вчера во два угостителски објекта при акциска контрола на подрачјето на СВР Охрид. Пет од нив биле без пријавен престој во земјава.
Трудовиот инспекторат констатирал неправилности во угостителските објекти, поради што ќе следат соодветни санкции.
Од Министерството за внатрешни работи информираат дека странските државјанки се предадени на Одделението за странци и реадмисија при РЦ за ГР Запад за понатамошна постапка. Петте лица се изведени пред судија за прекршоци и согласно одредбите од Законот за странци изречена им е глоба и мерка протерување на странец од земјава.