Полицијата во американската сојузна држава Кентаки соопшти дека најмалку 4-ца луѓе се убиени во банка во центарот на градот Луивил, додека животот го загубил и осомничениот напаѓач. Полицијата се уште со сигурност не може да потврди дали тој самиот си го одзел животот или бил застрелан од полицајците кои први пристигнале на локацијата.
Уште 8 луѓе, меѓу кои и двајца полицајци биле ранети во нападот со огнено оружје, кој се случил во утринските часови.
Сите се пренесени на болничко лекување а двајца од нив се во критична состојба,Сведоците на крвопролевањето за локалните медиуми потврдија дека напаѓачот отворил оган кон луѓето кои имале состанок во една од конференциските сали на банката.
Засега не се шпекулира за мотивот на напаѓачот, освен дека тој претходно бил вработен во банката.
Она што по секој нов инцидент од овој вид во САД изостанува е барем некаков обид да се реши проблемот и огненото оружје, вклучувајќи ги и автоматските пушки, остануваат лесно достапни за секој американски граѓани кој има доволно пари да ги купи.
Моќното лоби на американската Националното здружение за корисници на огнено оружје (NRA) не дозволува никакви промени со кои ќе се заостри контролата на тоа кој се може да купи и поседува пиштоли, пушки и друг вид смртносно оружје а за таа цел оваа асоцијација троши и милиони долари секоја година за купување на лојалноста на политичарите.