Стари системи за водоснабдување и нерационално трошење на водата за пиење се главните причини поради кои загубите на вода во земјава бележат над 60 -65%. Градба на нови системи за водоснабдување, нивно усовршување и системи за собирање на отпадни води, се важни за надминување на овој проблем велат познавачите.
- Загубите на вода се, едни од техничка природа поради самиот цевководен систем кој што се транспортира и тоа е дел на самата инфраструктура и мрежа во сите градови во нашата држава, затоа што се работи на замена на цевководниот систем поради дотраеност, треба да се заменат самите цевки. А другиот поголем проблем е тоа што користиме чиста исправна вода од класа 1 , која е за пиење а ја користиме за полевање на дворови насади и тука е големиот проблем околу трошењето вода, изјви проф. д-р Кирил Лисичков, Технолошко-металуршки Факултет
Според професор Лисичков не треба да постојат дилеми дали пиеме чиста вода.
- Интересно е тоа што нашата држава се граничи, е рамо до рамо со трите земји со најдобар квалитет на водата за пиење, вели Лисичков.
- Во принцип мерките кои се преземаат и треба да се преземат за водите како за отпадните, така и за заштита на питките води се секогаш интегрални пристапот мора да е интегрален бидејќи мораме да се заштитиме од потенцијалните загадувачи , дали е тоа индустријата, дали се домаќинствата или земјоделското производство, смета проф. д-р Стефан Кувенџиев, Технолошко-металуршки Факултет
Важно е секојдневно да се работи на подигнување на свеста кај новите генерации за она што го имаме како природни ресурси во нашата земја, да се инвестира во нивното знаење за заштита на истите, додава Кувенџиев.
Нина Стефанова
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.