Средби со граѓани, партиски настани, социјални мрежи и помпа.
Службениот ФБ профил на првиот вицепремиер, Артан Груби е преполн со партиски активизам. Раце во вис за поддршка и безброј селфи слики.
Безмалку секое попладне министерската четворка од ДУИ е на терен, а се почесто тоа го прават со службените возила на владата каде што се вработени. Еднаш опоменати од колешката Грковска за добро владење и борба против корупцијата, тие продолжуваат да го кршат етичкиот кодекс на владата.
И шефот знае за ноќните активности на дел од министрите на ДУИ. Ги прекори усмено оние кои веќе имаат жолт картон од антикорупциска.
Ако продолжат да ги користат државните возила за потребите на партијата ДУИ тогаш обвинителите нека им отворат предмет, вели премиерот Димитар Ковачевски
Со спортскиот активизам „кош – гол“ во канцелариите на Артан Груби ниту една институција не постапува.
Осудата е јавна и казната е негативни реакции од интернет заедницата, порача вицепремиерката Грковска.
Први опомени заработија минстрите Груби, Османи и Нуредини кои користеле владини “пасати” за партиски настани.
Праксата продолжи кај пониските ешалони на заменици министри и директори. Иако етичкиот кодекс е со цел да се промени однесувањето на функционерите тие од викенд во викенд продолжија со истата пракса.
Но, затоа нивниот партиски лидер Али Ахмети мора да го користи партиското ауди затоа што за разлика од сопартијците нема ниту функција во извршната власт, ниту службено возило.
Павле Беловски