Долги судски процеси, префрлање на одговорноста меѓу институциите, одолговлекувања во обвинителството…Ова се само неколку од проблемите во правосудството поради кои граѓаните побарале заштита од Народниот правобранител.
Во затворот во Идризово, службените лица од канцеларијата на правобранителот се третирани како обични посетители.
Опозициските пратеници побараа оставка од цела Влада, бидејќи за три години, наместо на секои шест месеци, ниту еднаш не добиле извештај од Владата – какви мерки се преземаат по укажувањето на Правобранителот. Насер Зибери побара навремено реагирање и од пратениците.
Иако претставките на граѓаните не изгубиле од својата актуелност, во Собранието се чека нов извештај од правобранителот за 2022. Овој извештај се однесува на 2021-ва и е поднесен пред точно една година.
Соња Николовска