Пронајден мртов маж на улица „Илинденска“ во Гостивар

Шеесет и тригодишен маж од селото Чегране бил пронајден мртов денеска на улицата „Илинденска“ во Гостивар, информира Министерството за внатрешни работи (МВР).

„Утрово во 10:40 часот во СВР Тетово е пријавено дека на улица „Илинденска“ во Гостивар бил пронајден починат М.А. (63) од гостиварско Чегране. Лекар од Итна медицинска помош констатирал смрт без траги на насилство“, наведуваат од МВР.

Екипа на МВР и Јавен обвинител извршиле увид, а телото на починатиот е предадено на обдукција.