Кривичен го прифати предлогот на обвинителството и им определи 30-дневен притвор на двајцата киднапери на Самоил Костадиновски, внук на Љубе Бошковски. Двајцата скопјани од викендот беа под лупата на обвинителството кое од денеска и официјално и отвори истрага против нив.
„Тие на 3 март заедно учествувале во дејствија на грабнување на едно лице во Кисела Вода. Осомничените, на возраст од 30 и 25 години, претходно по предлог на Обвинителството, а со решение на Судот беа задржани во краткотраен притвор во траење од два пати по 48 часа со цел обезбедување докази“, информираат од обвинителството.
Притворот за нив се бараше поради сомнеж дека може да избегаат, да уништуваат докази или да влијаат врз сведоци. Дали имало и други инволвирани во грабнувањето и дали двајцата осомничени дале некакви информции околу тоа каде е Костадиновси од обвинителството не откриваат.