Врсничкото насилство се зголемува меѓу младите, во штипските основни училишта за неколку месеци регистрирани се два случаи, едно од децата било малтретирано од свој врсник во автобус кој ги превезувал од дома до училиштето.
Истражувањата на невладината ЕХО покажуваат дека по пандемијата предничи сајбер булингот, но и психичкото насилство меѓу тинејџерите, кои ја имаат изгубено смислата за другарство.
Со постери, стрипови и пораките „Прекини го молкот, пријави насилство“, „Не биди онлјан насилник“ од најголемото штипско училиште почнаа едукативните предавања на тема булинг, а во која учествуваат претставници од општината, полицијата и невладината ЕХО.
Викторија Јованова