Полицијата соопшти дека кај нив е пријавен уште еден случај на врсничко насилство откако минатата недела беше јавно објавен случајот со 9-одделенецот во Градско кој бил малтретиран две години.
18-годишен средношколец пријавил дека во средата навечер бил малтретиран од тројца цинери во интернат во Велес. Случајот е пријавен во четвртокот наутро во велешката полиција, а МВР го објави во саботниот билтен.
-На 01.12.2022 во 08.00 часот во СВР Велес, 18-годишник сместен во ученички дом во Велес пријавил дека на 30.11.2022 околу 23.10 часот, тројца негови врсници, исто така сместени во домот, физички го малтретирале во собата во која престојувале. Известен е Јавен обвинител и се преземаат мерки за расчистување на случајот, соопшти МВР.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.