Дојавата за бомба во основно училиште во Петровец е всушност вчерашна порака, која била испратена до адресата на електронската пошта на директорката на училиштето „Кочо Рацин“, која дури денеска го отворила мејлот и ја пријавила вчерашната закана како нова.
„Бидејќи имаме повеќе училишта со името „Кочо Рацин“ моравме да извршиме проверка кај сите нив. Во тек е проверката и за Крива Паланка, објасни денеска првиот полицаец во земјава“ – изјави министерот за внатрешни работи, Оливер Спасовски.
Тој повтори дека дојавите доаѓаат најчесто од заштитени адреси од странство од каде е тешко да се дојде до факти и информации, поради што и не може да се покрене постапка. Спасовски вели дека е извршена комуникација со партнерските организации и дека преку меѓународна правна помош ќе мора да се обезбедат потребните информации и податоци.