Во Македонија коњички натпреварувач, во Украина осомничен криминалец, во САД на црната листа, а последната улога која самиот ја соопшти во интервју за „Слободен печат“ е дека во Германија е инвеститор. Јавноста чека одговор како контроверзниот украинец Олесандер Онишченко добил македонско државјанство и како успеал да ги мине филтрите на македонските служби и покрај тоа што неговото име се споменува во многу контроверзи, но е ставено и на црната листа на САД.
Но, тоа не било проблем Агенцијата за национална безбедност (АНБ) да даде позитивно мислење, тврди министерот за внатрешни работи, Оливер Спасовски. Не значи дека станува збор за криминалец, а за информацијата дека по него била издадена потерница од внатрешни тврдат дека е неточна. Познавачите, пак, сметаат дека во овој случај има доза на влијание но едногласни се дека треба да се слушне и другата страна.
За универзитетскиот професор, Марјан Ѓуровски во овој случај можно е да има елементи и на дворски игри и подместувања во именувањето на нов директор на АНБ, бидејќи Димовски
Директорот на АНБ пак Виктор Димовски своето објаснување за случајот го одложи поради службено патување, но ќе реферира утре пред собраниската надзорна комисија. Украинскиот државјанин Онишченко станал македонски државјанин како спортист во еквестријан по предлог на Коњичката федерација.
Одлука за доделување македонско државјанство за него донела Владата по добиено позитивно мислење од сите надлежни институции. Но како ги поминал безбедносните филтри, одговори чека и премиерот. Пред да добие документи од земјава, Онишченко тврди дека добил и германски документи каде во моментов е и неговото живеалиште, а води и сопствена компанија во земјата.
Павле Беловски