Министерството за надворешни работи ги осуди денеска непримерните квалификации во содржината на декларацијата на Советот на општина Благоевград кои се однесуваат на македонскиот народ.
„Очигледно е дека ваквите декларација се во спротивност на интенцијата на двете Влади за градење доверба меѓу народите на двете земји, и со духот на Договорот за пријателство и добрососедство, чија основна цел е токму тоа, да промовира пријателство и меѓусебно почитување“ – се вели во реакцијата на МНР.
При тоа, од министерството потенцираат дека интерес на двете држави и нивните граѓани е унапредување на добрососедските односи и при тоа се охрабруваат локалните власти, но и другите здруженија и групации, посебно да се фокусираат кон активностите кои создаваат пријателство, меѓу-гранична соработка и економска, културна и туристичка размена.