Полициски службеници од Полициската станица за гранични проверки и граничен надзор „Богородица“ синоќа на регионалниот пат Удово – Демир Капија, во близина на село Градец, лишиле од слобода 23 годишен жител на Лозово.
Според МВР, тој бил забележан како со возило „волво“, со италијански национални ознаки, превезува мигранти. Возилото било запрено, а тој се обидел да избега, но бил спречен и приведен.
Во возилото биле пронајдени шест лица мигранти од Сирија, кои биле спроведени во прифатно-транзитен центар за понатамошна постапка. По целосно расчистување и документирање на случајот, во координација со Јавен обвинител, против 23 годишниот криумчар ќе биде поднесена соодветна пријава, се вели во соопштението на МВР.© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.