Комисија формирана од Министерството за образование ќе предлага дали учебникот Социологија за втора година гимназиско образование ќе се повлекува. Комисијата има рок од 10 дена да го достави предлогот до ресорното министерство.
Формирањето на комисијата следи по забелешките од јавноста, особено од стручната фела, велат од таму. Овој учебник неодамна предизвика бурни реакции во јавноста поради неговата крајно дискриминаторска и ксенофобична содржина со етнички предрасуди и стереотипи во однос на наталитетот на помалите етнички заедници во земјава, односно за начинот на репродукција кај овие заедници.
Авторите Нелко Стојаноски, Зоран Матевски и Милева Ѓуровска посочуваат дека кај Ромите, Албанците и Турците има зголемена стапка на наталитет, заради необразованост, традиционален начин, и затоа се без контрола на раѓањето. Во изминатиот период беа донесени неколку одлуки за повлекување на одобрени учебници, за кои имаше реакции.