Во штипскиот масовен пункт за имунизација против Ковид 19 ќе влезат и текстилните работници, но и од другите индустрии во приватниот сектор. Здравствените власти побарале компаниите од штипскиот и струмичкиот регион да направат списоци, кои од нивните работници сакаат да се имунизираат. Во штипскиот регионален вакцинален пункт дневно се вакцинираат над 1.500 граѓани.
Жителите на штипскиот и струмичкиот регион преку матичните лекари се информираат, кога се спушта возрасната граница за имунизација. На пунктот пристигнуваат граѓани над 60 години од сите градови на дватат региони, едни се пријавиле на апликацијата на министерството, други дознале од матичните лекари или од свои блиски пријатели.
Покрај имунизацијата на регионалниот пункт, здравствените власти го вакцинираат и возрасното население над 70 години во нивните матични општини. Инаку старосната граница на пунктовите опаѓа, согласно заинтересираноста, но и колку во еден регион доминира повозрасната популација
Викторија Јованова