Украинските сили денеска јa пробија руската одбрана во стратешки важниот регион Херсон и брзо напредуваат долж реката Днепар, со можност да опкружат илјадници руски војници, што претставува нивни најголем успех на југот на земјата од почетокот на војната, јави агенцијата Ројтерс.
„Непријателот успеа да навлезе во длабочина на нашата одбрана со тенковски единици во правец на Золотаја Балка и Александровка“, изјави портпаролот на руското Министерство за одбрана, Игор Конашенков во неговиот редовен дневен брифинг и додаде дека „руските сили зазеле одбранбена позиција и продолжиле со масовни напади“.
Од официјален Киев сè уште нема потврда на тоа.
„Ова ги одразува неодамнешните големи успеси на Украина на истокот од земјата, кои направија пресврт во војната, иако Москва ја зголеми ескалацијата со анексија на освоените територии, прогласувајќи делумна мобилизација и заканувајќи се со нуклеарна одмазда“, коментира агенцијата.
– Информациите се напнати, да се изразиме така, бидејќи, да, навистина имаше пробив“, изјави Владимир Салдо, проруски функционер во окупираната област Херсон, за руската државна телевизија.