Државниот завод за ревиија го објави ревизорскиот извештај за општина Ѓорче Петров. Ревизорот констатирал дека нема регистар за недвижен имот, и регистар на издадени одобренија за поставување на урбана опрема.
Има и неправилности во начинот и постапката на давање на користење на деловни простории, урбана опрема и спортски објекти, пишува во извештајот на Државниот завод за ревизија при направената ревизија на финансиските извештаи за 2021 година во општина Ѓорче Петров.
Ревизорите утврдиле дека има и непрецизно утврдени критериуми за оценка на барањата за донации и спонзорства, непочитување на начелото на транспарентност и отчетност при доделување на финансиската помош, и искористените средства и извршените градежни работи, изградба и реконструкција на улици и патишта се без одобрение за градба и проект.
Како клучни системски слабости ги издвојуваат нецелосниот увид во наплатата и потврдувањето на приходот по основ на комунална такса, што се плаќа при регистрација на возила, и комуналната такса за користење и одржување на јавно осветлување.