Пјонгјан истрела балистичка ракета, соопшти денеска јужнокорејската војска. Ракетата е лансирано кон Јапонското Море, соопштија тамошни медиуми, кои информацијата ја добија од Генералштабот во Сеул.
Според резолуциите на ОН, на Северна Кореја и е забрането да лансира, па дури и да тестира балистички ракети од кој било дострел. Ракетите кои се тестираат и лансираат од страна на Северна Кореја може да бидат опремени и со нуклеарна боева глава, што претставува огромна опасност.
Да напоменеме дека во последните неколку месеци дојде до повторно зголемување на тензиите на Корејскиот полуостров.