Димитриевски во „Вин-Вин“: Работам и ќе работам по закон, денешната кривична ниту ме изненадува, ниту ме обесхрабрува

Оваа кривична пријава не ме изненади. Не знам која е под ред. Секогаш во избори, пред избори, во кампања, се соочувам со такви постапки, изјави кандидатот на ЗНАМ и градоначалник на Куманово, Максим Димитриевски, во вечерашното интервју во „Вин-Вин“ на ТВ Телма, во врска со обвинителниот предлог против него што беше поднесен денеска за злоупотреба на службената положба.

„Ова е една во низата обиди на актуелната политичка гарнитура која што владее со државата, повторно да се обиде да изврши притисок. Тоа воопшто не ме обесхрабрува. Јас сум човек кој од првиот мој ден како градоначалник, а така планирам да работам ако бидам избран и за претседател на државата, ќе работам исклучиво по закони“, изјави Димитриевски.