Малолетник е прободен кај трговскиот центар „Мавровка“ во Скопје. Инцидентот се случил денеска околу 13:30 часот, кога во полиција било пријавено дека е повреден малолетник, од село Буковиќ, скопско, со остар предмет од друг малолетник од село Бојане.
Повредениот веднаш е пренесен во градската болница „Св. Наум Охридски“. Осомничениот малолетник е приведен во полициска станица и со него се врши разговор во присуство на родител.
Ова е втор случај малолетник да биде избоден за една недела. Во Прилеп до смрт беше избоден малолетник поради врсничка нетрпеливост.
„Момчето е донесено за преглед во 14 часот, поради убодна рана во предел на десната надколеница. Прегледана е раната, направени се рентген снимки. Раната е обработена, сошиена и детето е пуштено на домашно лекување“, изјави за Телма, Љубен Арсенков, директор на Градска општа болница „Св, Наум Охридски“ во Скопје.