За неполни 20-тина минути, делегатите на конгресот на СДСМ изгласаа актуелниот претседател на државата повторно да биде нивни кандидат на изборите. Најголемиот дел од своето обраќање Пендаровски вечерва го посвети на критики кон ВМРО-ДПМНЕ. Обвини дека анкетите им се лажни, дека трендовите се менуваат, а можностите што ги нудат се неодржливи.
Претседателот на партијата, пак, рече дека на граѓаните не им треба претседател кој ќе кочи, туку претседател со јасна европска визија кој ќе турка напред по вистинскиот пат.
Пендаровски по третпат влегува во претседателска трка како кандидат на СДСМ. Во 2014-тата загуби од Ѓорѓе Иванов, но во 2019-тата ја победи Гордана Силјановска како консензуален кандидат на СДСМ, ДУИ и нивните коалициони партнери.
Далиборка Демјанска Цветановска