Американската војска денеска ја изведе првата испорака на хуманитарна помош од воздух во Појасот Газа, соопштија дваја неименувани официјални ликца на САД, пренесе „Ројтерс“.
Доставата на помош, според нив, била реализирана со три авиони од типот Ц-130. Според еден од изворите, помошта вклучувала 38.000 оброци за палестинските цивили.
Белата куќа соошти дека испораките на помош од воздух ќе се реализираат во континуитет и оти Израел ги поддржува таквите акции. Портпаролот на Белата куќа за национална безбедност, Џон Кирби рече дека САД веруваат оти испораките на помош од воздух ќе придонесат за решавање на тешката хуманитарна ситуација во Газа, но истовремено нагласи оти тие не можат да бидат замена за достава на помош со камиони, туку само дополнување.
Други земји, како Франција, Египет и Јордан и досега испорачуваат хуманитарна помош од воздух за Појасот Газа.
Најмалку 576.000 Палестинци, односно една четвртинја од населението во енклавата се наоѓаат на раб на глад, според Канцеларијата на Обединетите Нации за координација на хуманитарни работи.
לראשונה מתחילת המלחמה: ארה”ב הצניחה סיוע הומניטרי לרצועה pic.twitter.com/ZjYi8sy4oU
— החדשות – N12 (@N12News) March 2, 2024