Петмина турски државјани кои во текот на вчерашниот ден се рекреирале на Водно доцна синоќа побарале помош од ЦУК да бидат евакуирани од паркингот кај милениумскиот крст бидејќи веќе било темница, а тие не знаеле да се вратат назад.
Од ЦУК веднаш ги известиле дежурните екипи на СВР Скопје по што лицата веднаш биле контактирани, и било испратено возило за помош.
Од ЦУК додаваат дека во 18:10 часот петте лица, турски државјани, се пронајдени и од кај месноста Милениумски Крст на Водно, согласно остварените контакти со СВР Скопје, па се земени со возило на полицијата за безбедно да се спуштат кон градот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.