Вонредни парламентарни избори се одржуваат утре во Србија по неполни две години. Граганите ќе избираат 250 пратеници во српскиот парламент. Во колективната листа за парламентарните избори, има 18 листи со 2.818 кандидати за пратеници. Кога станува збор за изборите во Белград, граѓаните ќе избираат од 14 изборни листи.
Гласање ќе има и на покраински избори во Војводина како и на локални избори во 65 градови и општини.
Први кои поднесоа изборна листа е коалицијата на владеачката Српска Напредна Странка (СНС), партијата на претседателот Александар Вучиќ. Кандидат за градоначалник на Белград од оваа партија ќе биде досегашниот градоначалник Александар Шапиќ.
Според една анкета, опозициската коалиција „Србија против насилството“ (СПН), има големи шанси да победи на локалните избори во Белград.
На утрешните избори за пратеници ке гласаат 6.500.666 грагани. За овој конечен број на гласачи, одлука донесе републичката изборна комисија на Србија.
Изборниот циклус на изборите за пратеници ќе го следат 5.587 набљудувачи. Претседателот на РИК на Србија, Владимир Димитријевиќ изјави дека ова е рекорден број домашни и странски набљудувачи.
„ Резултатите нема да бидат јавно објавени или истакнати додека не се затворат сите избирачки места во Србија“, изјави Владимир Димитријевиќ претседател на РИК на Србија .
Избирачките места ќе бидат отворени од 7 до 20 часот.
Републичката изборна комисија најави прес-конференции за време на изборниот ден.
За српските државјани во Македонија, ќе се гласа во амбасадата на Србија во Скопје и во Куманово.
Марија Коцева