Нов хорор во САД. 11-годишно момче е убиено кога од автомобил во движење маж испукал 22 куршуми во толпа деца. Повредени се уште 4 деца и еден возрасен. Напаѓачот е во бегство.
Според полицијата во Синсинати, возилото поминало покрај децата кои стоеле на патеката за пешаци, во локалниот парк, и низ прозороцеот истрелал 22 куршуми едно по друго. На лице место било убиено 11-годишното момче, повредени се три момчиња на возраст од 12 до 15 години, едно 15-годишно девојче, и една 53-годишна жена која била со децата. Во болница е едно од повредените деца, но е во стабилна состојба.
Локалните власти одбиваат да дадат коментар дали пукањето било со некаква цел или случајно, објаснувајќи и на јавноста дека тоа е премногу рано да се каже, а би пречело во истрагата. Напаѓачот не е достапен за органите на правдата.
На конференцијата за новинари која беше одржана доцна синоќа властите му порачаа на напаѓачот дека е подобро да се предаде, бидејќи секако ќе биде пронајден.
На оваа прес конференција беа присутни и таткото на убиеното дете, заедно со мајката и бабата на момчето, исто така го повика одговорниот да излезе.