Турција соопшти дека е подготвена да прими болни од рак од болницата „Турско-палестинско пријателство“ во Газа, која престана да работи поради недостаток на средства по бомбардирањето.
- Подготвени сме да ја дадеме сета поддршка за продолжување на лекувањето на болните од рак кои поради недостиг на средства беа насилно отпуштени од болницата. За жал, меѓународната заедница и релевантните институции не презедоа доволно иницијатива за да се спречат нападите врз болницата. Животот на пациентите сега е должност од која не може да се побегне, напиша на Твитер турскиот министер за здравство Фахретин Коџа.
Претходно Обединетите Арапски Емирати објавија дека планираат да лекуваат 1.000 палестински деца од Газа, без да прецизираат како тие ќе бидат префрлени од енклавата во заливската држава.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.