Обединетите нации (ОН) предупредуваат дека вечерва би можело да снема гориво во Појасот Газа. Дописникот на „Би-Би-Си“, пак, јави дека болниците веќе го рационализираат снабдувањето само за итни случаи.
Од ОН соопштија дека една третина од болниците и речиси две третини од клиниките за примарна здравствена заштита во Газа се веќе затворени поради воените оштетувања и недостигот на гориво.
Израел го исклучи снабдувањето на Газа со струја по нападот на Хамас на 7 октомври, што значи дека територијата зависи од резервните генератори кои работат на гориво.