Израелската војска соопшти дека рано утрово извршила воздушни напади врз инфраструктура на сириската армија, како одговор на лансирање на ракети од Сирија врз територијата на Израел. Според сириската новинска агенција САНА, убиени се осум припадници на војската на Сирија, додека седум се повредени.
Израелските сили соопштија дека идентификувале две ракетни истрелувања од Сирија кои паднале на отворен простор и одговориле со напади врз изворите.
Повеќе детали не се објавени, ниту пак е обвинета сириската армија за двете ракети кои ги вклучија сирените за опасност на Голанската висорамнина која е под израелска окупација. Засега нема коментари од официјален Дамаск.
Израел во последните денови размени оган со либански Хезболах и со милитантите во Сирија. Станува збор за поширок конфклит на северната граница во време коха израелските сили се пресметуваат со Хамас во Појасот Газа.